16:06 1 Հկտ, 2019
Երևանի ընդհանուր իրավասության դատարանը, դատավոր Մնացական Մարտիրոսյանի նախագահությամբ քիչ առաջ որոշում կայացրեց հերթական անգամ մերժել ԵԿՄ վարչության նախկին նախագահ, գեներալ Մանվել Գրիգորյանի պաշտպանների միջնորդությունը և Գրիգորյանի նկատմամբ ընտրված խափանման միջոց կալանավորումը թողեց անփոփոխ։
15:52 1 Հկտ, 2019
Ես հիմա չեմ ուզում որեւէ պրոցես խրախուսել, որեւէ պրոցեսի զարկ տալ, որեւէ տարակարծության հիմքեր տալ, դրա համար ասում եմ՝ երբ կավարտվեն խմբակցությունում քննարկումները, իհարկե մինչեւ քվեարկությունը մեր դիրքորոշումը պարզ կլինի: Այս մասին, այսօր՝հոկտեմբերի 1-ին, ԱԺ-ում լրագրողների հետ զրույցում նշեց ԱԺ ԲՀԿ խմբակցության քարտուղարր Արման Աբովյանը՝ անդրադառնալով ՍԴ անդամի (Հրայր Թովմասյանի) լիազորությունները դադարեցնելու վերաբերյալ «Իմ քայլը» խմբակցության ներկայացրած նախագիծը:
15:23 1 Հկտ, 2019
Մի խումբ քաղաքացիներ քիչ առաջ Բաղրամյան 26-ի դիմաց պաստառներ էին պարզել։ Նրանք պահանջում էին ազատ արձակել Ռուսաստանում, Բելառուսում, Ղազախստանում, Տաջիկստանում գտնվող քաղաքական բանտարկյալներին։ Ակցիան իրականացնում էին իրավապաշտպան Նինա Կարապետյանցը եւ Հելսինկյան ասամբլեայի Երեւանի գրասենյակի ղեկավար Նատալյա Մարտիրոսյանը։
15:15 1 Հկտ, 2019
Օրինագծերի այս փաթեթը կապված է համայնքներին արտոնությունների տրամադրման հետ։ Այս մասին ՀՀ Ազգային ժողովի նիստում, «Պետական տուրքի մասին» օրենքում եւ հարակից օրենքներում փոփոխություններ մտցնելու օրինագծերի փաթեթի քննարկման ընթացքում, հոկտեմբերի 1-ին ասել է Հայաստանի տարածքային կառավարման եւ ենթակառուցվածքների փոխնախարար Վաչե Տերտերյանը։
14:21 1 Հկտ, 2019
«Հայկական բնապահպանական ճակատ» քաղաքացիական նախաձեռնության անդամ Աննա Շահնազարյանն այսօր՝ հոկտեմբերի 1-ին, Բրյուսելում Եվրախորհրդարանի մի խումբ պատգամավորների ներկայացրել է Ամուլսարի խնդիրը, մասնավորապես՝ ծրագրի թույլատրումը նախկին կառավարության եւ դրա իրականացման ապահովման փորձերը ներկայիս կառավարության կողմից՝ հակառակ տեղի բնակիչների եւ Հայաստանի բնակչության լայն զանգվածների կամքի, եւ չնայած մարդու իրավունքների խախտումների լայն շրջանակի,
13:59 1 Հկտ, 2019
Երեւանի ընդհանուր իրավասության դատարանի Կենտրոնի նստավայրում՝ դատավոր Մնացական Մարտիրոսյանի նախագահությամբ շարունակվում է ԵԿՄ վարչության նախկին նախագահ, գեներալ Մանվել Գրիգորյանի եւ նրա կնոջ՝ Նազիկ Ամիրյանի գործով հերթական դատական նիստը։ Մանվել Գրիգորյանին այս անգամ ևս չէին ներկայացրել դատարան՝ առողջական խնդիրներով պայմանավորված։ Նշենք, որ նրա նկատմամբ համալիր միջգերատեսչական դատաբժշկական փորձաքննություն նշանակելուց ի վեր՝ հուլիսի 2–ից Գրիգորյանին չեն բերում դատարան։
