Մոսկվան չունի ստուգված տվյալներ «լիբանանցի փախստականների` ԼՂ հոսքի վերաբերյալ». Մարիա Զախարովա

Մոսկվան չունի ստուգված տվյալներ «լիբանանցի փախստականների` Լեռնային Ղարաբաղ եւ դրա շրջակա տարածք հոսքի վերաբերյալ»: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Մենք լսել ենք Լեռնային Ղարաբաղի դե ֆակտո իշխանությունների` Լիբանանը լքած հայերին վերահսկվող տարածքներում բնակեցնելու մտադրության մասին: Մենք կարդացել ենք հաղորդումներն այն մասին, որ լիբանանյան երկու ընտանիք ցանկություն է հայտնել բնակություն հաստատել Ղարաբաղում: Մենք չունենք ստուգված տվյալներ լիբանանցի փախստականների հոսքի մասին դեպի Լեռնային Ղարաբաղ եւ դրա շրջակա տարածք»,- նշել է նա:

Ըստ նրա` Մոսկվան հիմնվում է ղարաբաղյան հիմնախնդրի լուծմանն ուղղված բանակցային գործընթացի վերականգնման վրա կենտրոնանալու անհրաժեշտության վրա, այդ թվում` փախստականների եւ տեղահանված անձանց խնդիրների տարածաշրջանում: Նա հիշեցրել է, որ ԵԱՀԿ Մինսկի խմբի համանախագահները սեպտեմբերի 14-ին հեռախոսային խորհրդակցություններ են անցկացրել Հայաստանի եւ Ադրբեջանի արտգործնախարարների հետ, նրանց փոխանցել քայլերը շարունակելու միջնորդների առաջարկները, այդ թվում` նախարարներից յուրաքանչյուրի հետ առանձին հանդիպումներ անցկացնելու: «Մենք ակնկալում ենք կողմերի դրական արձագանքը»,- ասել է նա:

ԱՎԵԼԻՆ