Կոտայքում կմեկնարկեն 5 դպրոցների կառուցման եւ վերակառուցման աշխատանքներ

Այն, որ այս տարի ամենատարբեր ծրագրերով Կոտայքում կմեկնարկեն 5 դպրոցների կառուցման եւ վերակառուցման աշխատանքներ, ինչ խոսք, ոգեւորում է եւ Կոտայքի մարզային իշխանություններին պարտավորեցնում անելու առավելագունը`մեր աշակերտների կրթության իրավունքի իրացման համար ավելի բարեկեցիկ եւ նպաստավոր միջավայր ապահովելու տեսանկյունից:

Պետք է նշենք, որ այս ամենին եւ նաեւ համավարակով պայմանավորված` մեր հանրապետությունում հայտարարված արտակարգ դրությանը զուգահեռ, մարզային ենթակայության դպրոցներում տարեսկզբից մինչ այսօր իրականացվել եւ ընթացքի մեջ են լայնամասշտաբ շինարարական աշխատանքներ, որոնք իրենց ծավալով եւ բյուջեով ավելի են, քան նախորդ տարվա ընթացքում կատարված աշխատանքների ծավալը:

Այսպես, եթե 2019 թվականին մարզային ենթակայության դպրոցներում ավելի քան 116 մլն դրամ արժողությամբ կապիտալ շինարարական աշխատանքներ են իրականացվել (գերակշռող մասը դպրոցների սեփական խնայողությունների հաշվին. աշխատանքներ են կատարվել նաեւ ստացված դրամաշնորհներից), ապա միայն այս տարվա առաջին կիսամյակի արդյունքներով, մարզային ենթակայության շուրջ 40 դպրոցներում իրականացված եւ ընթացքի մեջ գտնվող աշխատանքներն իրենց ծավալով եւ բյուջեով արդեն իսկ գերազանցել են նախորդ տարվա ցուցանիշը:

Այսպես, 2020 թվականի առաջին կիսամյակի արդյունքների ամփոփմամբ, մարզային ենթակայության դպրոցներում արդեն ավելի քան 127 մլն դրամ արժողությամբ կապիտալ շինարարական աշխատանքներ են մեկնարկել` այդ թվում վերանորոգվել են դպրոցների դասասենյակներ, համակարգչային սենյակներ, միջանցքներ, հին պատուհանները փոխարինվել են նորերով, փոխվել են հատակները, ջրագծերը, կատարվել եւ ընթացքի մեջ են վերանորոգման եւ բարեկարգման այլ աշխատանքներ եւս:

ԱՎԵԼԻՆ