ԱՄՆ պաշտոնապես դուրս եկավ ԱՀԿ-ից

Սպիտակ տունը պաշտոնապես հետ է կանչել ԱՄՆ-ին Առողջապահության համաշխարհային կազմակերպությունից (ԱՀԿ), հաստատել է վարչակազմի բարձրաստիճան պաշտոնյան: Նրա խոսքով՝ ԱՄՆ-ի ելքը ուժի մեջ է մտնում երկուշաբթի օրվանից, այդ մասին ՄԱԿ գլխավոր քարտուղարը ծանուցվել է, հայտնում է The Hill-ը:

Սենատոր Ռոբերտ Մենենդեսը Twitter-ում գրառում է կատարել, որ վարչակազմը տեղեկացրել է Կոնգրեսին ԱՀԿ-ից ԱՄՆ-ի դուրս գալու մասին: «Սա չի պաշտպանի ամերիկացիների կյանքն ու շահերը՝ ամերիկացիները կմնան հիվանդ, իսկ Ամերիկան կմնա մենակ»,- գրել է սենատորը:

Նախագահ Դոնալդ Թրամփը նախ ապրիլին դադարեցրել էր ԱՀԿ-ի ֆինանսավորումը, իսկ նրա վարչակազմը վերանայել էր իր հարաբերությունները կազմակերպության հետ: Մի քանի շաբաթ անց Թրամփը պահանջել էր, որ ԱՀԿ-ն իրականացնի բարեփոխումներ: Մայիսի վերջին Թրամփը հայտարարեց, որ Միացյալ Նահանգները «դադարեցնում է» կապերը ԱՀԿ-ի հետ:

ԱՎԵԼԻՆ