81 վարչական իրավախախտման արձանագրություն ուղեւորափոխադրողների նկատմամբ․ չի տուգանվել միայն մետրոն

Ոստիկանությունն արդեն 81 վարչական իրավախախտման վերաբերյալ արձանագրություն է կազմել ուղեւորափոխադրում իրականացնողների նկատմամբ։ Այս մասին այսօր՝ մայիսի 23-ին, մամուլի ասուլիսին հայտնեց ՀՀ Ոստիկանության հասարակական կարգի ապահովման վարչության պետի տեղակալ Էդգար Պետրոսյանը։

81-ից 34-ը կազմվել է տաքսիների նկատմամբ, 32՝ երթուղային տաքսիների նկատմամբ, 15-ը՝ երթուղային ավտոբուսների եւ տրոլեյբուսների նկատմամբ։ Մետրոների նկատմամբ արձանագրություն չի կազմվել։

Ոստիկանության պաշտոնյայի խոսքով՝ տուգանվում են ոչ թե վարորդները, այլ տնտեսվարողները։ Տուգանքի չափը կազմում է 100-ից 300 հազար դրամ։ Ոստիկանության ծառայողը նախ պահանջում է շտկել խախտումը, սակայն դա չի ազատում վարչական պատասխանատվության։ Եթե վարորդը պահանջը չկատարի, անձնապես պատասխանատվության կենթարկվի, հնարավոր է անգամ վարչական ձերբակալման ենթարկվի։

ԱՎԵԼԻՆ