ԱՄՆ հետախուզությունը կարծում է, որ կորոնավիրուսը լաբորատոր ծագում չունի.ՏԱՍՍ

ԱՄՆ հետախուզությունը կարծում է, որ կորոնավիրուսը լաբորատոր ծագում չունի, հաղորդում է ՏԱՍՍ-ը: Այս մասին ասվում է ԱՄՆ Ազգային հետախուզության տնօրենի վարչակազմի հայտարարության մեջ:

«Հետախուզական հանրությունը կշարունակի մանրամասն ուսումնասիրել ստացված տեղեկությունները»,-ասվում է հայտարարության մեջ:

ԱՄՆ նախագահ Դոնալդ Թրամփի վարչակազմը հետախուզական ծառայություններին հանձնարարել է ուսումնասիրել, թե արդյոք Չինաստանն ու ԱՀԿ-ն թաքցրել են կորոնավիրուսի հետ կապված տեղեկությունը:

Նախօրեին ԱՄՆ պետքարտուղար Մայք Պոմպեոն հայտարարել է, որ Չինաստանի իշխանությունները փորձել են թաքցնել կորոնավիրուսի տարածման մասին տեղեկությունը եւ դրա համար պատասխանատվություն է կրում: ՉԺՀ ԱԳ փոխնախարար Լե Յույչենն այդ օրը հայտարարել է, որ այդ հայտարարությունն «անհեթեթ» է:

ԱՎԵԼԻՆ