Ադրբեջանում նոր տեսակի կորոնավիրուսից տղամարդ է մահացել

Ադրբեջանում նոր տեսակի կորոնավիրուսով վարակման 6 նոր դեպք է հայտնաբերվել, հաղորդում է contact.az-ը՝  վկայակոչելով երկրի նախարարների կաբինետին առընթեր օպերատիվ շտաբին:

Ընդ որում, ինչպես նշվում է շտաբի հայտարարության մեջ, վարակվածներից մեկը` Ադրբեջանի Հանրապետության քաղաքացի, հիվանդանոց է գնացել ջերմության եւ  շնչառության հետ կապված դժվարութունների գանգատով: Հիվանդը, ով տառապում էր նաեւ շաքարային դիաբետով եւ սրտի իշեմիկ հիվանդությամբ, COVID-19-ի թեստ է անցել, որի արդյունքները դրական են եղել: Չնայած բժիշկների ջանքերին` հիվանդի վիճակը վատթարացել էր, եւ նա մահացել էր հիվանդանոց տեղափոխվելու նույն օրը: Հիվանդի ընտանիքի անդամները եւ այլ անձինք, որոնց հետ նա շփվել է, կարանտինացված են:

Հիշեցնենք, որ մարտի 12-ին Ադրբեջանում կորոնավիրուսից մի կին էր մահացեկ: Միեւնույն ժամանակ, 10 մարդ արդեն առողջացել է հիվանդությունից:

ԱՎԵԼԻՆ