Տոնավաճառներն ու հագուստի խանութները կաշխատեն. Բաբկեն Թունյան

ԱԺ «Իմ քայլը» խմբակցության պատգամավոր Բաբկեն Թունյանն իր ֆեյսբուքյան էջում գրառում է կատարել՝ պարզաբանելով պարետատան այսօրվա որոշումը՝ առևտրի կենտրոնները վաղվանից փակելու մասին:

«Պարետատան որոշումը, որով մարտի 22-ից առևտրով զբաղվող ընկերությունների գործունեության սահմանափակում է մտցվում, վերաբերում է ՄԻԱՅՆ առևտրի կենտրոններին (մոլլերին):

Մոլլերից դուրս գործող տնտեսական ապրանքների և շինանյութերի վաճառքով զբաղվող խանութները կարող են շարունակել գործունեությունը:

Տոնավաճառների և հագուստի խանութների վրա արգելքը չի տարածվում՝ կարող են աշխատել »,-գրել է նա։

Ավելի ուշ Բաբկեն Թունյանը ևս մեկ պարզաբանում է ներկայացրել՝ նշելով, որ արգելքը չի տարածվում տոնավաճառների և հագուստի խանութների վրա, դրանք կշարունակեն աշխատել:

Հիշեցնենք, որ այսօր պարետը տեղեկացրել էր, որ պարետատան որոշմամբ վաղվանից ՀՀ տարածքում կփակվեն առևտրի կենտրոնները, խաղատները, բուքմեյքերական գրասենյակները, բարերը, գիշերային ակումբները և ժամանցի այլ վայրեր:

ԱՎԵԼԻՆ