Այս տարի նորոգվելու է մասնավորապես, Երեւանից Իրանի սահման հատվածում 42,8 կմ ճանապարհ.Ավինյան

ՀՀ փոխվարչապետ Տիգրան Ավինյանը Facebook-ի իր էջում գրել է, որ այս տարի պատրաստվում են վերանորոգել ավելի քան 500 կմ ճանապարհ:

Նա նաեւ տեսանյութ է հրապարակել, որտեղ նշվում է, որ օրինակ, Ապարանից Չքնաղ գյուղ մոտ 8,5 կմ է, իսկ Չքնաղից Թթուջուր՝ 2,5 կմ, բայց այդ երկու տարածությունները մեքենայով հնարավոր է լինում հաղթահարել նույն ժամանակահատվածում: Այս տարի կլուծվի ոչ միայն Թթուջրի, այլեւ մինչեւ Ձորագլուխ ընկած 5,4 կմ ճանապարհի հարցը:

Նշվում է, որ 2019-ին նորոգվել է 355 կմ ճանապարհ, մինչդեռ նախատեսված էր 330 կմ: Իսկ արդեն 2020-ին նախատեսվում է նորոգել 500 կմ ճանապարհ:

Այս տարի նորոգվելու է մասնավորապես, Երեւանից Իրանի սահման հատվածում 42,8 կմ ճանապարհ, Երեւանից Վրաստանի սահման հատվածում՝ 12 կմ, Մարգարա-Վանաձոր-Տաշիր-Վրաստնի Սահման հատվածում՝ 14 կմ, Ստեփանավանից Վրաստանի սահման հատվածում՝ 13 կմ, Զառիթափից Նախիջեւան հատվածում՝ 14 կմ ճանապարհ:

Մանրամասները՝ տեսանյութում:

 

ԱՎԵԼԻՆ