Լեհաստանի մշակույթի եւ ազգային ժառանգության նախարարությունը «Արժանիքների համար պատվավոր մեդալ» է հանձնել Արման Պադարյանին

Լեհաստանի Հանրապետության մշակույթի եւ ազգային ժառանգության նախարարությունն «Արժանիքների համար պատվավոր մեդալ» է հանձնել Հայաստանի ազգային ֆիլհարմոնիկ նվագախմբի գլխավոր պրոդյուսեր, «Հովեր» պետական կամերային երգչախմբի տնօրեն Արման Պադարյանին:

Մեդալն Արման Պադարյանին է փոխանցել ՀՀ-ում Լեհաստանի Հանրապետության արտակարգ եւ լիազոր դեսպան Պավել Չեպլակը:

Այն հանձնվել է Պադարյանին հայ-լեհական մշակութային հարաբերություններում մեծ ներդրման՝ մասնավորապես՝ վերջին 12 տարվա ընթացքում երկու տասնյակից ավելի համերգ կազմակերպելու համար: Այդ համերգները նպաստել են երկու երկրների կապերի սերտացմանը:

Հատկանշական է, որ համերգներ կազմակերպվել են ոչ միայն Հայաստանի ազգային ֆիլհարմոնիկ նվագախմբի, «Հովեր» պետական կամերային երգչախմբի, այլեւ մի շարք լեհ երաժիշտների մասնակցությամբ՝ Հայաստանում եւ Լեհաստանում:

ԱՎԵԼԻՆ