Սան Անտոնիոյի օդանավակայանում միմյանց են բախվել երկու ինքնաթիռ

Երկու մասնավոր ինքնաթիռ ուրբաթ ցերեկը բախվել է Սան Անտոնիոյի միջազգային օդանավակայանում, տեղեկացնում է Fox News-ը։

Բիզնես-ինքնաթիռների բախումը միջին ծանրության է եւ հանգեցրել է զգալի վնասի։

Տուժածների մասին տեղեկություն չկա։ Նշվում է, որ միջադեպը տեղի է ունեցել ժամը 16.00-ի մոտ։

Ինքնաթիռներից մեկը վերադառնում էր Նոր Օռլեանից, իսկ երկրորդը թռել էր Սան Խոսեից եւ ստիպված էր չնախատեսված վայրէջք կատարել վառելիքի արտահոսքի պատճառով։

Սան Անտոնիոյի օդանավակայանը տեղեկացրել է, որ միջադեպը չի խաթարել իր աշխատանքը։ Առայժմ հայտնի չէ՝ Սան Խոսեից թռչող ինքնաթիռում ուղեւորներ կայի՞ն, թե՞ ոչ։

ԱՎԵԼԻՆ