Լավատեսությունը կյանքի տեւողությունը երկարացնում է

Լավատեսությունը կյանքի տեւողությունը երկարացնում է

10:33 28 Օգս, 2019

Բոստոնի համալսարանի գիտնականները հանգել են այն եզրակացության, որ լավատեսությունն իսկապես կյանքի տեւողությունը երկարացնում է:

Անցկացված հետազոտության համաձայն՝ նրանց շրջանում, ովքեր տեսնում են կյանքի լուսավոր կողմը, մինչեւ 85 տարեկան ապրելու հավանականությունը մեծանում է 70 տոկոսով: Եվս մեկ ուշագրավ հայտնագործություն է այն, որ լավատեսներն ավելի են հակված ֆիզիկական ծանրաբեռնվածությանը, ավելի հաճախ են նախապատվություն տալիս առողջ սննդին եւ հավատում են, որ կհասնեն դրված նպատակներին:

Գիտնականները հետազոտության շրջանակում 10 տարի հետեւել են գրեթե 70 հազար կանանց կյանքին, եւ 30 տարի՝ շուրջ 1500 տղամարդկանց կյանքին: Մինչեւ հետազոտությունների մեկնարկը բոլոր փորձարկվողները պետք է լրացնեին հատուկ անկետաներ, ինչը գիտնականներին թույլ էր տալիս գնահատել կյանքի վերաբերյալ նրանց կարծիքը:

Պարզվել է, որ լավատեսների շրջանում կյանքի տեւողությունը 11-15 տոկոսով մեծացել է, եւ նրանք մեծ հավանականությամբ հասել են 85-ամյա տարիքի: Այսպես՝ ավելի լավատես կանանց շրջանում մինչեւ 85 տարեկան ապրելու հավանականությունը մեծացել է 50 տոկոսով, իսկ ամենալավատես տղամարդկանց շրջանում՝ 70 տոկոսով:

Մասնագետները կոչ են անում ի գիտություն ընդունել ստացված արդյունքները, քանի որ դրանք ցույց են տալիս կյանքի տեւողության մեծացման մեջ հոգեսոցիալական ասպեկտների կարեւոր դերը:

Գիտական աշխատանքի արդյունքները ներկայացվել են PNAS ամսագրում:

loading...