«Ալիքոտ ծովի մեջ հայտնված մարդը մի ելք ունի միայն». Նազենի Հովհաննիսյանի բիկինիով լուսանկարն ու հետաքրքիր մեկնաբանությունը

«Ալիքոտ ծովի մեջ հայտնված մարդը մի ելք ունի միայն». Նազենի Հովհաննիսյանի բիկինիով լուսանկարն ու հետաքրքիր մեկնաբանությունը

13:27 27 Օգս, 2019

Դերասանուհի, հաղորդավարուհի Նազենի Հովհաննիսյանն իր հանգիստն է վայելում իտալական Պոզիտանոյում։ Դերասանուհին պարբերաբար գեղեցիկ լուսանկարներ է հրապարակում ու կիսվում իր մտքերով։

Իր միկոբլոգում հրապարակված նոր լուսանկարում դերասանուհին բիկինի է կրում, որն ընդգծում է նրա գեղեցիկ կազմվածքը։ «Ալեկոծ ծովի ուժն իր ալիքների միասնության մեջ է: Մի ալիքն արդեն մի աշխարհ է, բայց բոլորը միասին` տիեզերք:

Ալիքոտ ծովի մեջ հայտնված մարդը մի ելք ունի միայն. կա՛մ պայքարել ու ապրել… կա՛մ հանձնվել ու… Հանձնվելը միշտ կա, բայց արժի՞ արդյոք էդքան ապրել, որ հանձնվես… Ալիքոտ ծովն իր ուժը ցույց չի տալիս, այլ քեզ է փորձում: Քեզ` կամքդ, արիությունդ, որոշումդ: Մարդ կա, արագ ափ է փախչում, մարդ էլ կա՝ գլխիվայր ծովը նետվում: Ես ծովը նետվողներից եմ) խելառ: Ալիքների մեջ կա՛մ կխեղդվես, կա՛մ կխեղդես վախերդ ու կասկածներդ: Մնացածն աղ է ու աղի արտասուք` հետո-ի ափսոսանքներով շաղախված:

Ինչեր չարեցի, իսկ ինչեր կարող էի… իսկ դու վերցրու և արա: Ճեղքիր ալիքներն ու դու՛ դարձիր փոթորիկը, որ անշարժությունդ վերջապես ալեկոծես ու ստեղծես քո կյանքի իններորդ ալիքը, որ նոր ու մեծ կտավներով ապրես ու չմտածես, որ փոթորիկն էր մեղավոր հուշերդ ալեկոծ անելու համար, պարզապես նրանք էին տկար, մի քիչ գունազարդած ու ոչ իրական:

Իսկ ալեկոծության քո հաղթահարումն ամենաիսկական հաղթանակը կլինի: Դրանից հետո ավելի ամուր կկանգնես ու ինքդ քեզ կհարգես, որ ԴՈՒ կարողացար: Հավասարակշռությունը գալիս է փոթորկոտ ծովից հաստատուն դուրս եկած մարդու մոտ: Մնացածը աղ է ու աղի արտասուք` չարածների ափսոսանքներով աղապատ… ( հատված. Ն.Հ. 2019)»,- գրել է նա։

Ի դեպ, ավելի վաղ Նազենի Հովհաննիսյանն անդարադարձել էր նաեւ իր կազմվածքին։  «Ասենք կարող էի չէ՞ ես մի 10 սմ ավելի հասակով լինեի, երկարուկ ու նիհարիկ, ոչ թե տիպիկ միջերկրածովյան կառուցվածքով ու կոնքային «ակտիվությամբ»: Հ.Գ. տեսնես կա՞ աշխարհում մարդ, ով գոհ է իր մարմնից»,- գրել էր նա։

loading...