Սա Զովունու բռնցքամարտի դպրոցի հերթական նվաճումն է, շնորհավորում եմ հավաքականի բոլոր մարզիկներին.Ջ.Հայրապետյան

ԲՀԿ պատգամավոր Ջանիբեկ Հայրապետյանը ֆեյսբուքյան էջում գրել է.

“Զովունու բռնցքամարտի դպրոցի մարզիչ Սայաթ Հայրապետյանի սան, Զովունու բնակիչ՝ Դավիթ Սիմոնյանը Օգոստոսի 4-ից 12-ը Թբիլիսիում անցկացվող բռնցքամարտի կրտսեր տարիքի պատանիների Եվրոպայի առաջնությունում, ռինգ դուրս գալով ազերի բռնցքամարտիկի հետ, 72 կգ քաշային կարգում նվաճել է բրոնզե մեդալը։

Սա Զովունու բռնցքամարտի դպրոցի հերթական նվաճումն է։ Ակտիվ գործունեության ընթացքում դպրոցը տվել է սպորտի վարպետներ, աշխարհի չեմպիոն, Եվրոպայի առաջնության բազմաթիվ մրցանակակիրներ և Հայաստանի չեմպիոններ։

Հավելեմ նաև, որ Եվրոպայի առաջնության ընթացքում Հայաստանի հավաքականը նվաճել է 9 մեդալ՝ 1 ոսկե, 3 արծաթե և 5 բրոնզե: Ոսկե մեդալ է նվաճել 68 կգ քաշային Սուրեն Առաքելյանը, արծաթե մեդալ են նվաճել 54 կգ քաշային Նարեկ Ներսիսյանը, 56 կգ քաշային Արթուր Մկրտչյանը և 65 կգ քաշային Գարիկ Անտանոսյանը, Բրոնզե պարգևին են արժանացել 38,5 կգ քաշային Դավիթ Սաֆարյանը, 46 կգ քաշային Արման Միսկարյանը, 50 կգ քաշային Գոռ Խուդոյանը, 72 կգ քաշային Դավիթ Սիմոնյանը և 80 կգ քաշային Ալբերտ Հարությունյանը:

Շնորհավորում եմ մեր հավաքականի բոլոր մարզիկներին ձեռք բերված հաղթանակների կապակցությամբ, մաղթում եմ ավելի մեծ նվաճումներ”:

Զովունու բռնցքամարտի դպրոցի մարզիչ Սայաթ Հայրապետյանի սան, Զովունու բնակիչ՝ Դավիթ Սիմոնյանը Օգոստոսի 4-ից 12-ը …

Gepostet von Джанибек Айрапетян am Montag, 12. August 2019

ԱՎԵԼԻՆ