Կալիֆորնիայում տղամարդը գնդակահարել է 5 մարդու եւ ինքնասպանություն գործել

Կալիֆորնիայում տղամարդը գնդակահարել է 5 մարդու եւ ինքնասպանություն գործել

10:00 14 Սպտ, 2018

ԱՄՆ Քալիֆորնիա նահանգի Բեյքերսֆիլդ քաղաքում տղամարդը գնդակահարել է 5 մարդու, այնուհետեւ ինքնասպան եղել, հայտնում է ABC30 հեռուստաալիքը՝ վկայակոչելով ոստիկանությանը:

Հրաձիգն ու նրա կինը նախապես եկել են ավտոտրանսպորտային ընկերություն, որտեղ վիճաբանել են մի տղամարդու հետ: Կասկածյալը նախ գնդակահարել է այդ տղամարդուն, ապա՝ իր կնոջը: Այնուհետեւ ֆիրմա է եկել եւս մեկ մարդ, եւ հրաձիգը նրան հետապնդել է ու նույնպես գնդակահարել, նշված է հաղորդագրության մեջ:

Դրանից հետո կասկածյալը մեքենայով այլ վայր է եկել, որտեղ եւս երկու մարդու է սպանել: Ապա մեքենա է առեւանգել, որում երեխայի հետ կին է եղել: Նրանց հաջողվել է փախչել: Իսկ կասկածյալը կայանատեղի է գնացել, որտեղ ինքնասպանություն է գործել, փոխանցում է հեռուստաալիքը:

Քերն շրջանի շերիֆը հստակեցրել է, որ տեղի ունեցածին ականատես է եղել ավելի քան 30 մարդ: Քննիչների կարծիքով՝ սպանությունները պատահական չէին:

loading...