Թուրքիան հայտնվել է տնտեսական պատերազմի թիրախում. Էրդողան

Թուրքիան հայտնվել է տնտեսական պատերազմի թիրախում. Էրդողան

13:00 12 Օգս, 2018

Թուրքիայի նախագահ Ռեջեփ Թայիփ Էրդողանը հերքել է երկրի՝ ազգային արժույթի արժեզրկման հետևանքով ճգնաժամում լինելը, գրում է Reuters-ը՝ մանրամասնելով, որ նախօրեին ԱՄՆ նախագահ Դոնալդ Թրամփը կրկնապատկել է Թուրքիայից ալյումինի ու պողպատի ներկրման համար մաքսատուրքերը:

Դրանից հետո թուրքական լիրան 18%-ով անկում է արձանագրել, ինչը Էրդողանի բնորոշմամբ՝ «Թուրքիայի դեմ տնտեսական պատերազմի առաջին հրթիռն է»:

«Թուրքիան հայտնվել է տնտեսական պատերազմի թիրախում»,-հայտարարել է Էրդողանը՝ կոնկրետ որևէ երկրի անուն չտալով:

Միևնույն ժամանակ նա ընդգծել է, որ «երկիրը ծանր դրության մեջ չէ, այն չի փլուզվում, չի սնանկանում և ոչ էլ ճգնաժամի մեջ է»:

loading...