Արմավիրում բոլոր տուժածները կերել են բուտերբրոդներ՝ կոտլետով եւ հավի մսով. ԱՆ

Արմավիրում բոլոր տուժածները կերել են բուտերբրոդներ՝ կոտլետով եւ հավի մսով. ԱՆ

21:45 17 Մյս, 2018

Նախնական տվյալներով «Հայաստանի հողեր» կազմակերպությունից հոսպիտալացվել է շուրջ 57 մարդ, հիվանդների վիճակը թեթև և միջին ծանրության են: Այս մասին հայտնում է ՀՀ առողջապահության նախարարությունը։ Մասնագիտական խմբի կողմից իրականացվել է համաճարակաբանական հետազոտություն:

Հիվանդները գանգատվում են սրտխառնոցից, փսխումից, ջերմությունից, լուծից, գլխապտույտից:

Քննարկվել են թունավորման առաջացման բոլոր հնարավոր վարկածները: Նախնական վարկածով գործ ունենք սննդային թունավորման հետ: Իրականացվել է շրջակա միջավայրի օբյեկտների, սննդամթերքի և տուժածներից կենսաբանական նյութի նմուշառում՝ լաբորատոր հետազոտություններ իրականացնելու նպատակով: Պարզվել է, որ բոլոր տուժածները կերել են նույն սննդամթերքի մատակարարմամբ զբաղվող կազմակերպության պատրաստած բուտերբրոդներ՝ կոտլետով և հավի մսով: Նույն սնունդն օգտագործել է կազմակերպության 200-ից ավելի աշխատակից:

Աշխատանքները շարունակվում են, տվյալները ճշտվում:

Ըստ ԱԻՆ վերջին տվյալների, Արմավիրի եւ Մեծամորի հիվանդանոցներում ժամը 20.30 դրությամբ բուժօգնություն է ստանում 60 աշխատակից։  

loading...