Էռնեկյանի ընկերությունում, ընդհանուր առմամբ, 90 աշխատակից է թունավորվել. ԱԻՆ

Էռնեկյանի ընկերությունում, ընդհանուր առմամբ, 90 աշխատակից է թունավորվել. ԱԻՆ

20:30 17 Մյս, 2018

Մայիսի 17-ին, ժամը 18:34-ին Արմավիրի ԲԿ-ից «911» ծառայությանը տեղեկություն է ստացվել, որ սննդային թունավորման ախտանիշներով իրենց է դիմել Արմավիրի մարզի Արևադաշտ գյուղի մոտակայքում գտնվող խաղողագործությամբ զբաղվող «Հայաստանի հողեր» փակ բաժնետիրական ընկերության 90 աշխատակից: Այս մասին հայտնում է արտակարգ իրավիճակների նախարարությունը։

Նրանցից 20-ը, ստանալով համապատասխան բուժօգնություն, դուրս են գրվել: 30-ը տեղափոխվել են Մեծամորի բժշկական կենտրոն, և այժմ անցնում են բուժզննում:

Արմավիրի բժշկական կենտրոն է մեկնել ՀՀ ԱԻՆ ՓԾ Մարզային փրկարական վարչության օպերատիվ խումբը:

loading...