Ինչպես գարեջրի միջոցով բարելավել մաշկի վիճակը

Գեղեցիկ, նուրբ ու խնամված մաշկ ունենալու մասին շատերն են երազում, սակայն արտաքին միջավայրի անբարենպաստ պայմաններն, անառողջ կենսակերպն ու սխալ սննդակարգը խիստ բացասաբար են ազդում մաշկի որակի վրա: Այնուամենայնիվ՝ կան շատ պարզ միջոցներ, որոնք կօգնեն բարելավել մաշկի վիճակն՝ առանց կոսմետիկ միջոցների և դեղորայքի:

Բոլորն էլ գիտեն, որ գարեջուրն ամենատարածված ալկոհոլային ըմպելիքներից մեկն է, սակայն քչերը գիտեն, որ այն նաև հիանալի միջոց է մաշկն ու մազերը խնամելու համար: Ձեր ուշադրությանն ենք ներկայացնում գարեջրի միջոցով անթերի մաշկ ձեռք բերելու երեք պարզ ու արդյունավետ միջոց:

Գարեջրով լոգանք հարթ ու նուրբ մաշկ ձեռք բերելու համար

Մաշկը հարթ, նուրբ ու թավշյա դարձնելու համար պարզապես հարկավոր է խառնել գարեջուրն ու օճառը և ստացված խառնուրդն ավելացնել լոգանքի ջրին:

Գարեջրով ու ելակով սկրաբ-դիմակ
 
Այս դիմակը կօգնի մաքրել մաշկը աղտոտվածությունից և իր հակաօքսիդանտային հատկությունների շնորհիվ արդյունավետ կերպով կազատի բշտիկներից: Հարկավոր է 3 հատ ելակը լվանալ ու տրորել, ավելացնել 2-3 կաթիլ գարեջուր և խառնել մինչև ստացվի համասեռ մածուցիկ զանգված: Ստացված խառնուրդը անհրաժեշտ է քսել դեմքի մաքուր մաշկին, թողնել 20 րոպե, այնուհետև լվացվել:
 
Գարեջրով, կիտրոնով, մեղրով ու ձիթապտղի յուղով դիմակ

Այս դիմակը կօգնի ձեռք բերել փայլուն միատոն մաշկ և կազատի մուգ հետքերից: Այն հատկապես օգտակար է յուղոտ մաշկի դեպքում: Դիմակը պատրաստելու համար հարկավոր է 2 ճաշի գդալ մեղրին ավելացնել 1 ճաշի գդալ կիտրոնի հյութ, 2 ճաշի գդալ ձիթապտղի յուղ և մի քանի կաթիլ գարեջուր, այնուհետև լավ խառնել և ստացված զանգվածը քսել դեմքի մաշկին: Դիմակը հարկավոր է թողնել 15 րոպե, այնուհետև լվանալ մաքուր ջրով:

ԱՎԵԼԻՆ