Արամ Ա-ն խոր ցավ է հայտնել Փարիզում Աստվածամոր տաճարի հրդեհի կապակցությամբ

Արամ Ա-ն խոր ցավ է հայտնել Փարիզում Աստվածամոր տաճարի հրդեհի կապակցությամբ

13:23 16 Ապր, 2019

Կիլիկիո կաթողիկոս Արամ Ա.-ն խոր ցավ է հայտնել նորին սրբություն ֆրանցիսկոս պապին, Տաճարի հոգևոր դասին, Ֆրանսիայի պետությանն ու ժողովրդին:

Այս մասին ասված է կաթողիկոսի ֆեյսբուքյան էջում:

Վեհափառը նշել է, որ եղել է Աստվածամոր տաճարում և ծանոթ է այն հոգևոր, միջեկեղեցական ու պատմական յուրահատուկ կարևորությանը, որն ունի այն:

Հիշեցնենք, որ երեկ Փարիզի Աստվածամոր տաճարում խոշոր հրդեհ էր բռնկվել, որի հետևանքով փլվել էր տաճարի աշտարակը: Դեպքի վայր էին ժամանել Ֆրանսիայի նախագահն ու վարչապետը: Հրդեհաշիջման աշխատանքներին շուրջ 400 հրշեջ է մասնակցել: Հրդեհի հետևանքով տաճարը մեծապես տուժել է: Ֆրանսիական լրատվամիջոցների տվյալներով՝ հրդեհը կարող է կապված լինել տաճարում վերանորոգման աշխատանքների հետ:

Ավելի ուշ հաղորդվել էր, որ կրակը մարվել է, իսկ շինությունների փլուզումը շարունակվում է:

loading...