Երջանիկ ամուսնություններ պարզապես չեն լինում. Թինա Կանդելակի

Երջանիկ ամուսնություններ պարզապես չեն լինում. Թինա Կանդելակի

23:29 8 Փտր, 2019

43-ամյա հեռուստահաղորդավարուհի եւ «Матч-ТВ» հեռուստաընկերության գլխավոր պրոդյուսեր Թինա Կանդելակին դիտել է Վուդի Ալենի ֆիլմի հիման վրա բեմադրված «Ամուսիններ ու կանայք» ներկայացումը։ Այն բեմադրել է թատերական ռեժիսոր Կոնստանտին Բոգոմոլովը, ում անունն արդեն երկու ամիս է՝ անդադար շրջանառվում է, քանի որ նրան համարում են Քսենիա Սոբչակի սիրեկանը։
Կանդելակին, կա՛մ ոգեշնչվելով ներկայացմամբ, կա՛մ սկանդալային պատմությամբ, որում ներգրավված է նաեւ բեմադրող-ռեժիսորը, Instagram-ում անկեղծ հրապարակում է արել՝ խոսելով ամուսնական դավաճանության մասի:

Հեռուստահաղորդավարուհու խոսքով՝ Վուդի Ալենի սյուժեները վերցված են մտերիմ շրջապատի իրական կյանքից։ Ներկայացումից հետո Կանդելակիի մոտ տպավորություն է ստեղծվել, որ երջանիկ ամուսնություններ պարզապես չեն լինում։ Երկրպագուները կարծել են, որ Թինան ակնարկնում է նաեւ Քսենիա Սոբչակ, Մաքսիմ Վիտորգան, Կոնստանտին Բոգոմոլով սիրային եռանկյունու մասին։
«Ամեն բան սկսվում է նրանից, որ առաջին հայացքից բարեկեցիկ զույգը որոշում է բաժանվել։ Չեմ բացահայտի, սակայն ներկայացման մեջ առօրյա կյանքից շատ բան կգտնեք։ Տպավորությունը հետեւյալն է՝ երջանիկ ամուսնություններ չեն լինում։ Բոլորը դավաճանում են կամ մտածում դավաճանության մասին կամ դավաճանել են ու ապրումներ ունեն, չեն դավաճանել ու ավելի շատ ապրումներ ունեն, հեռացել են նրա մոտ, ում հետ դավաճանել են, սակայն նրա հետ եւս այն չէ։ Իսկ ինչպե՞ս է ձեզ մոտ»,- երկրպագուներին դիմել է Կանդելակին։
Հատկանշական է, որ գրառումից մեկ օր առաջ Թինան սրտառուչ շնորհավորել էր ամուսնու ծննդյան օրը եւ նրան սեր խոստովանել։
Կասկածներ կան, որ Քսենիա Սոբչակն ամուսնուն դավաճանել է թատերական ռեժիսոր Կոնստանտին Բոգոմոլովի հետ։ Մաքսիմ Վիտորգանը նրա հետ վեճի է բռնվել՝ կոտրելով քիթը։ Սակայն բոլորովին վերջերս զույգը միասին միջոցառման է մասնակցել։ Թինա Կանդելակին եւ Քսենիա Սոբչակը նախկինում ընկերուհիներ են եղել, սակայն արդեն վաղուց թշնամական հարաբերություններ ունեն։

loading...