Ջիգարխանյանն առողջական խնդիրների պատճառով չի գնացել իր ծննդյան օրվան նվիրված ներկայացման պրեմիերային

Ջիգարխանյանն առողջական խնդիրների պատճառով չի գնացել իր ծննդյան օրվան նվիրված ներկայացման պրեմիերային

11:30 29 Հկտ, 2018

ԽՍՀՄ ժողովրդական արտիստ Արմեն Ջիգարխանյանը չի կարողացել գնալ իր թատրոն՝ «Մոլիեր» ներկայացման պրեմիերային, որը նվիրված էր իր ծննդյան տարեդարձին: Այս մասին ասուլիսում հայտնել է ռեժիսոր Սերգեյ Վինոգրադովը:

Ինչպես հաղորդում է ՏԱՍՍ-ը, երկու շաբաթ առաջ հայտնի էր դարձել, որ Ջիգարխանյանը հիվանդանոցում է, որն այս տարվա ընթացքում արդեն նրա հինգերորդ հոսպիտալացումն էր: Նրա վիճակը գնահատվել է միջին ծանրության: «Մինչև վերջին պահը հույս ունեինք, որ նա կգա, սակայն նման հնարավորություն չկա: Ես նրա հետ խոսել եմ, նա պետք է բուժման կուրսեր ստանա»,-ասել է Վինոգրադովը:

Նա նաև նշել է, որ Ջիգարխանյանը հաջողություն է մաղթել արտիստներին, քանի որ դա շատ կարևոր իրադարձություն էր իր համար: Նա շատ վաղուց էր ուզում, որ դա տեղի ունենա: Թատրոնում երկար ժամանակ են աշխատել դրա շուրջ, վերջապես կարողացել են բերել տրամաբանական ավարտի:

Ներկայացումը նվիրվել է Ջիգարխանյանի ծննդյան 83-ամյակին, որը նշվել է հոկտեմբերի 3-ին:

Հենց այդ պիեսում է դեռ այն ժամանակ երիտասարդ արտիստը խաղացել իր առաջին դերերից մեկը:

Ջիգարխանյանը ղեկավարում է Մոսկվայի դրամատիկական թատրոնը 1996 թ-ից:

loading...