14:30 17 Մայ, 2013

Վարչապետ Տիգրան Սարգսյանն ընդունել է Ռուսաստանի Դաշնության կադաստրի դաշնային ծառայության ղեկավար Նատալյա Անտիպինային: Կառավարության մամուլի ծառայությունից հայտնում են, որ ՀՀ վարչապետը կարեւորել է երկու երկրների կադաստրային մարմինների միջեւ կապերի զարգացումը եւ ընդլայնումը, ինչը կնպաստի փորձի փոխանակմանն ու այս բնագավառում բարեփոխումների իրականացմանը: Նատալյա Անտիպինան տեղեկացրել է, որ Հայաստանի կադաստրի պետական կոմիտեի հետ ստորագրվել է փոխգործակցության հռչակագիր: Նա հույս է հայտնել, որ այն կնպաստի երկկողմ համագործակցության զարգացմանը: Ռուսաստանի Դաշնության կադաստրի դաշնային ծառայության ղեկավարը նշել է, որ տպավորված է այս բնագավառում Հայաստանի ձեռքբերումներով, ինչի արդյունքում մեր երկիրը մեծ առաջընթաց է գրանցել նաեւ Doing Business զեկույցում՝ վարկանիշային աղյուսակում գերազանցելով նաեւ Ռուսաստանին: Տեղեկացվել է, որ առաջիկայում տեղի է ունենալու ԱՊՀ երկրների կադաստրային մարմինների համատեղ կոնֆերանս, որում կդիտարկվեն առկա խնդիրներն ու դրանց լուծման եղանակները: Զրուցակիցներն անդրադարձել են նաեւ կադրերի վերապատրաստման,

18:28 16 Մայ, 2013

«ՆԱՍԴԱՔՕԷՄԷՔՍ Արմենիա» բորսայում այսօր՝ մայիսի 16-ին, ամերիկյան դոլարի առուվաճառքի գործարքներ տեղի չեն ունեցել: Հիշեցնենք, որ գործարքներ տեղի չէին ունեցել նաեւ երեկ: Այսօր բորսայում ընդհանրապես դոլար չի առաջարկվել, իսկ պահանջարկի փոխարժեքը, ինչպես եւ երեկ՝ կազմել է 416. 50 դրամ: Կանխիկ արտարժույթի շուկայում դոլարի առուվաճառքի առավել տարածված միջակայքն է 416-418 դրամը:

16:12 16 Մայ, 2013

«Արմավիա» ընկերությունում շարունակում են փաստաթղթեր հավաքել՝ սնանկության հարցով դատարան դիմելու համար: Այս մասին  նշել են ընկերությունում, հավելելով, որ փաստաթղթերի հավաքման որեւէ ժամկետ չկա: Պարտքերի հետ կապված հարցին «Արմավիայում» խուսափեցին պատասխանել, նշելով, որ հարցը պետք է ուղղել ֆինանսիստներին: Նշենք, որ ընկերությունը մինչեւ թռիչքների իրականացման վերջին պահը տոմսեր է վաճառել: Սնանկացման գործընթաց սկսելու հայտարարությունից հետո ընկերությունը խոստացել է վերադարձնել տոմսերի արժեքը, սակայն մինչ այժմ դա չի արել: Հիշեցնենք, որ մարտի վերջին «Արմավիան» տեղեկություն է տարածել, որ ապրիլի 1-ից դադարեցնում է թռիչքները եւ սնանկության գործընթաց է սկսում: «Արմավիա» ընկերությունը ստեղծվել է 1996-ին: 2007-ին ընկերությունն ունեցել է 14 օդանավ:

19:24 15 Մայ, 2013

«ՆԱՍԴԱՔՕԷՄԷՔՍ Արմենիա» բորսայում այսօր՝ մայիսի 15-ին ամերիկյան դոլարի առուվաճառքի գործարքներ տեղի չեն ունեցել: Դոլարն առաջարկվել է 417 դրամով, սակայն պահանջարկի փոխարժեքը չի գերազանցել 416. 50-ը: Կանխիկ արտարժույթի շուկայում դոլարի առքի փոխարժեքը առավելագույնը 416 դրամ է,  վաճառքի փոխարժեքը մեծամասամբ 418 դրամ է:

18:36 15 Մայ, 2013

Հանգստյան օրերին Հայաստանում թանկացել է կաթնամթերքը: Այդ մասին են վկայում ՀՀ տնտեսական մրցակցության պաշտպանության պետական հանձնաժողովի երեկ եւ այսօր իրականացրած մոնիտորինգի արդյունքները: ՏՄՊՊՀ մամուլի քարտուղար Գայանե Սահակյանը  ասաց, որ կաթնամթերքի 20-25 դրամ թանկացումներ են արձանագրվել մոնիտորինգի տակ ընկած համարյա բոլոր առեւտրային ցանցերում: Այսպես՝ «Երեւան սիթիում» 18% յուղայնությամբ «Աշտարակ կաթի» 200 գրամանոց թթվասերը 215 դրամից դարձել է 235 դրամ, «Մարիաննայի» նույն տարողությամբ 20 % -անոց թթվասերը 205 դրամից դարձել է 230 դրամ: Կաթի լիտրը 380 դրամից բարձրացել է մինչեւ 400 դրամ: «Սթար» սուպերմարկետում «Աշտարակ կաթի» 1 լիտր կաթը նախկին 390 դրամի համեմատ վաճառվում է 410 դրամով, մածունի գինը («Աշտարակ կաթ» եւ «Մարիաննա») 270-ից բարձրացել է մինչեւ 290 դրամ: Մածունի գինը չի փոխել «Չանախ» ընկերությունը: Ավելի մեծ չափով տարբեր խանութներում թանկացել է կաթնաշոռը՝ 40-50 դրամով:

Գ. Սահակյանը հայտնեց, որ կաթնամթերք արտադրող ընկերությունները թանկացումը պայմանավորում են կաթի մթերման գնի

17:24 15 Մայ, 2013

Արաբական Միացյալ Էմիրությունների «Էյր Արաբիա» ընկերությունը հայտ է ներկայացրել ՀՀ Քաղաքացիական ավիացիայի գլխավոր վարչություն` դեպի ԱՄԷ շաբաթական 2 չվերթ իրականացնելու համար: Այդ մասին ասաց ՀՀ քաղացիական ավիացիայի գլխավոր վարչության  օդային փոխադրումների կարգավորման վարչության պետ Հրանտ Միրզոյանը: «Էյր Արաբիան» ներկայացնում է ԱՄԷ-ի Շարժա էմիրությունը, թռիչքները պետք է իրականացվեն դեպի Շարժա, որը Դուբային մոտ է: Ըստ Հ. Միրզոյանի` ներկայում հայտը ուսումնասիրման փուլում է, եւ ամենայն հավանականությամբ` դրական լուծում կունենա: Ներկայում դեպի ԱՄԷ թռիչքներ իրականացնում է միայն «Ֆլայ Դուբայ» ընկերությունը, շաբաթական` 4 անգամ: Այդ ընկերությունը նույնպես դիմել է ՀՀ Քաղավիացիայի գլխավոր վարչություն (ՔԱԳՎ)` շաբաթական չվերթների քանակը մինչեւ 7-ի հասցնելու համար: Սակայն, ըստ Հ. Միրզոյանի, ՔԱԳՎ-ն հակված է «Ֆլայ Դուբայի» շաբաթական թռիքչները ավելացնել միայն մեկով` շաբաթական 5 անգամ: «Մենք իրենց ասել ենք` ձեր օդանավները դատարկ են թռչում, 189 տեղանոց օդանավը թռչում է 120-130 հոգի ծանրաբեռնվածությամբ… Մեր ավիացիոն իշխանությունները փորձում

16:36 14 Մայ, 2013

Երեւան-Մոսկվա չվերթի տոմսերի թանկացումը սեզոնային բնույթ ուներ, եւ համընկավ «Արմավիա» ավիաընկերության շուկայից դուրս գալու հետ: Այդ մասին այսօր՝ մայիսի 14-ին ՀՀ տնտեսական մրցակցության պաշտպանության պետական հանձնաժողովում հայտարարեց ռուսաստանյան «Սիբիր» ավիաընկերության Հայաստանում գլխավոր ներկայացուցիչ Մուշեղ Սայադյանը: Նրա խոսքով՝ ապրիլին միշտ էլ գնի կարճաժամկետ բարձրացում է տեղի ունենում, կապված արտագնա աշխատանքի մեկնողների մեծ թվի հետ: Այդ ժամանակահատվածում գնի կարճաժամկետ բարձրացում տեղի է ունենում ոչ միայն Երեւան-Մոսկվա, այլեւ Բաքու-Մոսկվա կամ Թբիլիսի-Մոսկվա չվերթներում: Այս անգամ ապրիլյան թանկացումը համընկել է «Արմավիայի» շուկայից անակնկալ դուս գալու հետ, ու առաջացել է աժիոտաժ: Ներկայում ընկերությունը դիմել է ՀՀ քաղաքացիական ավիացիայի վարչությանը՝ չվերթների ավելացման նպատակով, բացի այդ՝ ներգրավվում են ավելի շատ նստատեղեր ունեցող ինքնաթիռներ (մինչեւ 250 նստատեղով): Նրա խոսքով՝ ներկայում դեպի Մոսկվա ինքնաթիռները թռչում են ոչ լրիվ ծանրաբեռնվածությամբ, յուրաքանչյուր ինքնաթիռում 60-100 ազատ տեղ կա: Իսկ Մոսկվայից

11:02 14 Մայ, 2013

2013 թ. առաջին եռամսյակում Երևանի փայլաթիթեղագլանման “Արմենալ” գործարանը (մտնում է աշխարհում ալյումինի խոշորագույն արտադրող “Ռուսալ” ընկերության  կազմի մեջ) թողարկել է 6856,6  տոննա արտադրանք` 14,1%-ով գերազանցելով 2012 թ. համանման ցուցանիշը: Հայաստանի մաքսային ծառայության տվյալներով` ընթացիկ տարվա հունվար-մարտ ամիսների ընթացքում արտահանվել է 6984 տոննա ալյումինե փայլաթիթեղ, որը 18,4% ավելի է, քան նախորդ տարվա առաջին եռամսյակում: Փայլաթիթեղի արտահանման աճը դրամային տեսքով կազմել է 16,2%` հասնելով գրեթե 22 մլն դոլարի: Հայաստանի արտահանման ընդհանուր ծավալի մեջ 2013 թ. առաջին եռամսյակում “Արմենալ”-ի մասնաբաժինը կազմել է 6,0%, իսկ ԱՄՆ արտահանման ծավալում`90% ավելի: Ինչպես  վկայում է Հայաստանի հարկային ծառայության հաշվետվությունը, 2013 թ. հունվար – մարտին գործարանը հարկերի տեսքով պետբյուջե է մուծել 400,0 մլն դրամ, որը 33,7% գերազանցում է անցած տարվա I եռամսյակի տվյալները:

18:11 13 Մայ, 2013

«ՆԱՍԴԱՔՕԷՄԷՔՍ Արմենիա» բորսայում այսօր՝ մայիսի 13-ին, ամերիկյան դոլարի առուվաճառքի գործարքներ տեղի չեն ունեցել: Դոլարն առաջարկվել է բավական բարձր՝ 417 դրամով, սակայն պահանջարկի փոխարժեքը չի գերազանցել 416. 85-ը: Նշենք, որ անցյալ շաբաթ դոլարի բորսայական փոխարժեքը բարձրացել էր՝ հասնելով գրեթե 416,51 դրամի: Կանխիկ արտարժույթի շուկայում դոլարի առքի փոխարժեքը առավելագույնը 416,5 դրամ է,  վաճառքի փոխարժեքը մեծամասամբ 418 կամ 418,5 դրամ է:

17:10 13 Մայ, 2013

Հայաստանի Հանրապետության ֆինանսների նախարարության «Թանկարժեք մետաղների եւ թանկարժեք քարերի պետական գանձարան» գործակալության կողմից 13.05.13թ.-19.05.13թ.-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման եւ բացթողնման հետևյալ գները` արտահայտված ՀՀ դրամով`

Ոսկի` գնման գին`17871.37 (-108.67), բացթողնման գին`19425.40 (-118.12),

Արծաթ` գնման գին` 291.87 (-3.29), բացթողնման գին`317.25 (-3.58),

Պլատին՝ գնման գին`18356.54 (+26.11), բացթողնման գին` 19952.76 (+28.38),