19:26 19 Հուն, 2013
«ՆԱՍԴԱՔՕԷՄԷՔՍ Արմենիա» բորսայում այսօր՝ հունիսի 19-ին ամերիկյան դոլարի միջին փոխարժեքը հայկական դրամի նկատմամբ կազմել է 409,88 դրամ; Դոլարը 2 նստաշրջան անընդմեջ կտրուկ էժանանում է; Երեկվա համեմատ դոլարն էժանացել է 0,34%-ով կամ 1,3 կետով: Բորսայում այսօր վաճառվել է 7,3 մլն. դոլար: Ամենայն հավանականությամբ՝ Կենտրոնական բանկը շուկայից հավաքել է լրացուցիչ դոլարները: Կանխիկ արտարժույթի շուկայում դոլարի առքուվաճառքն իրականացվում է 407-411 դրամ միջակայքում:
18:04 19 Հուն, 2013
Հայաստանից Վրաստան հավկիթի մեծածավալ արտահանումը հազիվ թե վերականգնվի: Նման կարծիք հայտնեց Վրաստանի թռչնարտադրողների ասոցիացիայի նախագահ Զուրաբ Ուչումբեգաշվիլին: Նման միտումներ հազիվ թե դրսեւորվեն` հաշվի առնելով, որ Վրաստանն արդեն լիովին անցել է հավկիթի արդյունաբերական արտադրության, նշեց նա: Հիշեցնենք, որ Հայաստնից Վրաստան մեծաքանակ հավկիթ էր արտահանվում մինչեւ 2010 թ-ը: Դրանից հետո այն կրում էր իրավիճակային բնույթ: «Հիմա Հայաստնում եւ Վրաստանում հավկիթի ինքնարժեքը գրեթե նույնն է, ուստի մեր երկրի թռչանֆաբրիկաներին հետարքիր չեն միմյանց շուկաները»,-ավելացրեց Ուչուբեգաշվիլին: Նշենք, որ ժամանակ առ ժամանակ Վրաստանում հայկական հավկիթի պահանջարկ առաջանում է, սակայն ինքնարժեքից ցածր գնով, ուստի նման առաջարկությունները, որպես կանոն, հայկական ընկերությունները չեն ընդունում: Երկու երկրներում իրավիճակը
13:07 19 Հուն, 2013
Վարչապետը Լոռու մարզում ծանոթացել է իր հանձնարարականով կատարված աշխատանքներին և նոր ներդրումային ծրագրին: Լոռու մարզ հունիսի 18-ին կատարած այցի շրջանակներում վարչապետ Տիգրան Սարգսյանը եղել է մի քանի համայնքներում: Վարչապետը Մարց համայնքում ծանոթացել է տեղի միջնակարգ դպրոցի ներկա վիճակին: Կառավարության ղեկավարի հանձնարարականով՝ ՀՀ պետական բյուջեից հատկացվել են անհրաժեշտ միջոցներ՝ դպրոցը հիմնանորոգելու և նոր մարզադահլիճ կառուցելու համար: Նախատեսվում է 110 տնտեսությունից բաղկացած համայնքի և 84 աշակերտ ունեցող ուսումնական հաստատության հիմնանորոգման շինաշխատանքներն ավարտին հասցնել հաջորդ տարվա սեպտեմբերին: Կառավարության ղեկավարը զրուցել է նաև համայնքի բնակիչների հետ՝ ծանոթացել նրանց խնդիրներին: Վերջիններս շնորհակալություն են հայտնել վարչապետին՝ առաջնահերթ լուծում պահանջող դպրոցի հիմնանորոգման
11:17 19 Հուն, 2013
2007-2012թթ ընթացքում իրանական գազի արտահանումը Հայաստան գերազանցել է 1.5 մլրդ քմ: Այս մասին ասվում է Իրանի Ազգային գազի ընկերության զեկույցում: Զեկույցի համաձայն` Իրանը 1.558 մլրդ քմ գազ է արտահանել հայկական էլեկտրաէներգիայի դիմաց: Միայն 2012-ին իրանական գազի արտահանման ծավալը կազմել է 481 մլն քմ, հաղորդում է իրանական FARS գործակալությունը: Նախորդ շաբաթ Հայաստանում Իրանի դեսպան Մոհամադ Ռեիսին հայտարարել էր, որ իր երկիրը պատրաստ է իր հնարավորության շրջանակներում աջակցել Հայաստանին` գազի մատկարարման հարցում: Ինչպես դեսպանն է ընդգծել, հայկական կողմը պետք է որոշի արդյոք իրանական գազը կիրառի որպես այլընտրանք ռուսականին, թե` ոչ:
18:39 18 Հուն, 2013
«ՆԱՍԴԱՔՕԷՄԷՔՍ Արմենիա» բորսայում այսօր՝ հունիսի 18-ին ամերիկյան դոլարի միջին փոխարժեքը հայկական դրամի նկատմամբ կազմել է 411. 28 դրամ; Երեկ բորսայում գործարք չէր կայացել, իսկ հունիսի 14-ի համեմատ դոլարը էժանացել է 3.22 դրամով կամ 0.78%-ով: Սա 2013 թ. ընթացքում դոլարի ամենակտրուկ անկումն է բորսայում: Բորսայում այսօր վաճառվել է 3.4 մլն. դոլար: Կանխիկ արտարժույթի շուկայում դոլարի առքի փոխարժեքը իջել է մինչեւ 408-409 դրամ, վաճառքինը՝ 411-412 դրամ:
17:00 18 Հուն, 2013
«Արմավիա» ընկերությունը կվճարի աշխատակիցներին ունեցած պարտքերը, այն ունի համապատասխան ներուժ: Այս մասին այսօր՝ հունիսի 18-ի մամուլի ասուլիսում հայտարարել է Հայաստանի հանրային խորհրդի ավիացիոն հարցերի ենթահանձնաժողովի անդամ Լեւոն Ղազարյանը: Միաժամանակ նա նկատել է, որ «ինքնաթիռ վաճառելը կարտոֆիլ վաճառել չէ», հեշտ գործ չէ: Պատասխանելով հարցին, ըստ որի «Արմավիայի» բացակայության պայմաններում արտոնություններից օգտվելու իրավունք ունեցողները թեկուզ ժամանակավոր, բայց զրկվել են դրանցից, Լեւոն Ղազարյանը նշել է, որ կառավարությունը, ըստ ամենայնի, պետք է ինչ-որ քայլ ձեռնարկի, միգուցե՝ փոխհատուցում վճարի: Ազգային ավիափոխադրող «Արմավիա» ավիաընկերությունը հայտարարել է սնանկության գործընթաց սկսելու մասին: Ընկերությունը նաեւ աշխատավարձային պարտքեր ունի աշխատակիցներին: Ընկերության աշխատակիցները պարբերաբար բողոքում են՝ պահանջելով մարել
13:43 18 Հուն, 2013
Համակարգչային տեխնիկայի իրացմամբ զբաղվող որոշ ընկերություններ գովազդում են այնպիսի ծառայություններ, որոնք չեն մատուցվում: ՀՀ տնտեսական մրցակցության պաշտպանության պետական հանձնաժողովն այսօր՝ հունիսի 18-ին հրապարկեց այդ ընկերությունների նկատմամբ իրականացրած վարչական վարույթի արդյունքները՝ քաղաքացիներից ստացված բողոքների հիման վրա: Մասնավորապես՝ «Nout.am» անվանումով համակարգչային տեխնիկայի խանութ-սրահի մուտքի մոտ փակցված է գովազդային վահանակ՝ «Ապառիկ տեղում միայն անձնագրով, 0% կանխավճար» բովանդակությամբ: Սակայն Հանձնաժողովի կողմից իրականացված դիտանցմամբ պարզվել է, որ այն իրականությանը չի համապատասխանում: Ընկերությունների նման վարքագիծը Հանձնաժողովը որակեց որպես անբարեխիղճ մրցակցության դրսեւորում եւ կիրառեց տուգանք՝ նախորդ տարվա հասույթի 1 տոկոսի չափով, ինչն օրենքով նախատեսված առավելագույն
13:17 18 Հուն, 2013
Հայաստանի Հարապետության տնտեսական մրցակցության պաշտպանության պետական հանձնաժողովն այսօր՝ հունիսի 18-ին մի շարք որոշումներ կայացրեց այլ ապրանքների նմանակման դեպքերի հետ կապված: Մասնավորապես՝ քիմիական ապրանքների արտադրությամբ զբաղվող «Քրաուն Քեմիքալ» ընկերությունը Հանձնաժողով է ներկայացրել դիմում՝ հայտնելով, որ մտավոր սեփականության գործակալության կողմից ստացել է «Քրաուն Քեմիքալ» ապրանքային նշանի պետական գրանցումը: Սակայն շուկայում հայտնվել են «Քրաուն Գոլդ» անվանումով քիմիական ապրանքներ, որոնց պիտակները արտաքնապես գրեթե չեն տարբերվում իրական արտադրողի արտադրատեսակներից: Պարզվել է, որ «Քրաուն Քեմիքալ» ընկերության երկու նախկին աշխատակից հիմնադրել են նոր ընկերություն եւ, թույլ տալով անբարեխիղճ մրցակցության գործողություն, «Քրաուն Գոլդ» ապրանքային նշանով փորձում են մտնել շուկա:
18:20 17 Հուն, 2013
«ՆԱՍԴԱՔՕԷՄԷՔՍ Արմենիա» բորսայում այսօր՝ հունիսի 17-ին արտարժույթի առուվաճառքի գործարքներ տեղի չեն ունեցել: Դոլարի նկատմամբ պահանջարկի փոխարժեքը չի գերազանցել 1դոլար/412,25 դրամը, ինչը զգալի զիջում է ուրբաթ օրվա միջին բորսայական փոխարժեքին (1դոլար/414.50 դրամ) Կանխիկ արտարժույթի շուկայում այսօր դոլարը սակարկվում է 411-414 դրամ միջակայքում:
10:23 15 Հուն, 2013
«Հրապարակը» գրում է. ««Եվրոմոթորս» ՍՊԸ տնօրեն Արթուր Եգորյանը շարունակում է ազատության մեջ հանգիստ խղճով ապրել, մինչդեռ 2012 թվականի նոյեմբերի 25-ին իր կողմից ծեծի ենթարկված Հայկազ Խաչատրյանն ապրիլի 21-ի գիշերը հիվանդանոցում մահացավ: Հայկազ Խաչատրյանը ծեծկռտուքի օրը հիվանդանոց տեղափոխվելուց հետո այդպես էլ դուրս չէր գրվել եւ շարունակում էր մնալ բժիշկների հսկողության տակ, այդ ընթացքում նա նաեւ գլխուղեղի կաթված էր ստացել: Հիշեցնենք, որ դեպքը տեղի էր ունեցել Արթուր Եգորյանի մոր ծննդյան օրը, երբ մինչ լուսաբաց քեֆ են արել բարձր երաժշտության ներքո՝ հարեւաններին պարտադրելով ողջ գիշեր «մասնակից» լինել ընտանեկան խրախճանքին։ Անքուն գիշեր անցկացրած հարեւանը համարձակվել է բարձրանալ վերեւ ու հիշեցնել, որ շենքում, բացի իրենցից, ապրում են այլ բնակիչներ։ Այս հորդորն անձնական վիրավորանք ընդունելով՝ տանտերերը, ի դեմս թասիբով որդու, իրար են անցել։ Ո՞վ է այդ համարձակը, որ հանդգնել է լուսադեմին իրենց դուռը թակել ու հարգանք պահանջել։ Եվ փորձել են պատժել
