19:00 24 Մայ, 2013

Իսրայելական «Արկիա» ավիաընկերության Թել-Ավիվ-Երեւան-Թել-Ավիվ առաջին չվերթը տեղի կունենա հունիսի 5-ին: Այս մասին մայիսի 24-ին լրագրողներին հայտնել է ««Արմենիա» միջազգային օդանավակայաններ» ՓԲԸ-ի գլխավոր կառավարիչ Մարչելո Վենդեն: Վենդեն նշել է, որ չվերթը կարող է նոր խթան հանդիսանալ Հայաստանի եւ Իսրայելի հարաբերությունների համար՝ հավելելով, որ ամեն տարի 6 միլիոն իսրայելցիներ են հանգստի մեկնում, եւ Հայաստանը կարող է լավագույն հանգստի վայր դառնալ նրանց համար: Վենդեն հայտնել է, որ չվերթի բացման մասին որոշում կայացնելուց առաջ հանգամանորեն ուսումնասիրվել է շուկան, եւ ուսումնասիրությունները ցույց են տվել, որ Հայաստանում  զբոսաշրջային բարենպաստ պայմաններ կան: «Արկիայի» հայկական ներկայացուցչության ղեկավար Ալեքսանդր Նուրոկը նաեւ վստահություն է հայտնել, որ այս չվերթը կնպաստի Հայաստանում զբոսաշրջության զարգացմանը եւ կամրապնդի հայ-իսրայելական հարաբերությունները: Ըստ նրա՝ ծրագրում են  չվերթներն իրականացնելն շաբաթական մեկ անգամ:  Երկու ուղղությամբ էլ տոմսի արժեքը

18:43 24 Մայ, 2013

Այսօր` մայիսի 24-ին Ռուսաստանում եւ սլավոնական այլ երկրներում նշվում է Սլավոնական գրերի եւ մշակույթի օրը: Այն նվիրված է սուրբ Կյուրեղի եւ Մեթոդիուսի հիշատակին, որոնք ստեղծել են սլավոնական այբուբենը: Այս տարի նշվում է 1150-ամյակը: Մոսկվայում կայանալու է տոնական երթ, միջոցառումներ են լինելու նաեւ աշխարհի 60 երկրներում: Ռուսաստանը տոնը պետական կարգով սկսել են նշել 1863 թվականից` գրերի գյուտի հազարամյակից: Խորհրդային ժամանակների վերջում տոնը վերականգնվել էր:

18:30 24 Մայ, 2013

Մայիսի 23-ին Բեյրութի Սուրբ Նշան Մայր եկեղեցու բակում տեղի է ունեցել Սումգայիթի եղեռնագործության 25-րդ տարելիցին նվիրված խաչքարի բացման արարողություն:  Միջոցառումն իրականացվել է Հայոց ցեղասպանության 100-րդ տարելիցի Լիբանանի կենտրոնական մարմնի, «Փյունիկ» համահայկական հիմնադրամի եւ Լիբանանում ՀՀ դեսպանության  նախաձեռնությամբ: Հոգեհանգստյան արարողությունից եւ Խաչքարի հանդիսավոր բացումից հետո Հայոց ցեղասպանության 100-ամյակի Լիբանանի կենտրոնական մարմնի անունից ելույթ է ունեցել Ռաֆայել Ումուդյանը: Դատապարտելով Սումգայիթի եղեռնագործությունը՝ նա ընդգծել է, որ այն չհուսալքեց հայ ժողովրդին, այլ բարձրացրեց մեր ժողովրդի միասնության ոգին, որի արդյունքը հանդիսացավ ազգային‑ազատագրական պայքարի հաղթանակը Արցախում: ՀՀ հատուկ հանձնարարություններով դեսպան, «Փյունիկ» հիմնադրամի հոգաբարձուների խորհրդի նախագահ Լեւոն Սարգսյանն իր ելույթում նշել է, որ «25 տարի առաջ Սումգայիթում տեղի է ունեցել հայ ժողովրդի նորագույն պատմության   ամենամեծ ողբերգություններից մեկը: Հայ բնակչության հանդեպ իրականացված եղեռնագործությունը Ադրբեջանի իշխանությունների կողմից հստակ մշակված էթնիկ զտման եւ տեղահանման հրեշավոր քաղաքականության հերթական դրսեւորումն էր:  Սումգայիթյան

18:15 24 Մայ, 2013

Turkish Airlines ընկերության ուղղաթիռը տեխնիկական խնդիրների պատճառով վայրէջք է կատարել Մոսկվայի “Դոմոդեդովո” օդանավակայանում` “Վնուկովոի” փոխարեն եւ վերադարձել է Թուրքիա առանց “Վնուկովոյում” Մոսկվա-Անթալիա թռիչքին սպասող ուղեւորների: 280 ուղեւոր օդանավակայանում թռիչքի է սպասում արդեն 11 ժամ: Turkish Airlines ընկերությունից փոխանցել են, որ ուղեւորներին սնունդ է հատկացվել եւ նրանց շուտով կտեղափոխեն, սակայն թռիչքի հետաձգման պատճառների մասին չեն հայտնել:

18:01 24 Մայ, 2013

Մայիսի 22-ին, ժամը 23.00-ին, ոստիկանության  Քանաքեռ-Զեյթունի բաժնի   ծառայողները   Գայի պողոտայի եւ Մոլդովական փողոցի խաչմերուկից  բերման են ենթարկել 21-ամյա Սարգիս Գ.-ին եւ 18-ամյա Արմեն Վ.-ին: Խուզարկությամբ Սարգիս Գ.-ի մոտ հայտնաբերվել է  «Կոլտ» տիպի օդամղիչ ատրճանակ`   պահունակով` լիցքավորված 10 փամփուշտով, իսկ Արմեն Վ.-ի մոտ` 12 սմ շեղբի երկարությամբ, երկակի սրված, երկու կողմերից շեղբի վրա փակվող բռնակներով դանակ եւ թափանցիկ կպչուն ժապավեն: Ոստիկանության լրատվության վարչությունից հայտնում են, թե ձեռնարկված միջոցառումներով պարզվել է, որ Սարգիս Գ.-ն եւ Արմեն Վ.-ն, նախնական համաձայնության գալով, Լեփսիուսի, Դրոյի, Պ. Սեւակի եւ Ռուբինյանց փողոցներում, ատրճանակի եւ դանակի սպառնալիքով ցանկացել են քաղաքացիներից գումար հափշտակել: Հայտնաբերվածն առգրավվել եւ ուղարկվել է փորձաքննության: Կատարվում է հետաքննություն:

17:47 24 Մայ, 2013

«Մեր շրջանավարտներին մաղթում եմ,որ նրանք ոչ մի դժվարության դեպքում չհիասթափվեն Հայաստանից, չլքեն մեր երկիրը, ապրեն, ընտանիք կազմեն և արարեն մեր հայրենիքում՝ Հայաստանի Հանրապետությունում»:

17:33 24 Մայ, 2013

«ՆԱՍԴԱՔՕԷՄԷՔՍ Արմենիա» բորսայում այսօր՝ մայիսի 24-ին ամերիկյան դոլարի առուվաճառքի գործարքներ տեղի չեն ունեցել: Սակայն դոլարի նկատմամաբ պահանջարկ է ձեւավորվել անսպասելի բարձր փոխարժեքով՝ 1դոլար/416 դրամ: Դոլարի առաջարկի փոխարժեքը կազմել է մոտ 417 դրամ; Նշենք, որ վերջին 2 օրերին դոլարը բորսայում էժանանում էր, եւ երեկ գնահատվել էր 414,56 դրամ: Կանխիկ արտարժույթի շուկայում եւս նկատվում է դոլարի թանկացում: Առքի փոխարժեքն արդեն բարձրացել է մինչեւ 415,5 դրամ, վաճառքինը՝ 417-418 դրամ:

17:20 24 Մայ, 2013

Մայիսի 24-ին, ժամը 14.03-ին ահազանգ է ստացվել, որ Կոտայքի մարզի Արամուս գյուղի մոտակա լճակում մարդ է ջրահեղձվել. անհրաժեշտ է փրկարարների օգնությունը: ԱԻՆ լրատվական ծառայությունից հայտնում են, թե դեպքի վայր է մեկնել մեկ մարտական հաշվարկ: Հրշեջ-փրկարարները ջրից դուրս են բերել Ակունք գյուղի բնակիչ Թեւոս Մելքոնյանի (ծնվ. 1999թ.) դին:

17:08 24 Մայ, 2013

Մայիսի 25-ին գիշերվա առաջին կեսին եւ օրվա երկրորդ կեսին, մայիսի 26-ին ժամանակ առ ժամանակ շրջանների զգալի մասում սպասվում է անձրեւ եւ ամպրոպ, առանձին վայրերում հնարավոր է կարկուտ: Լոռիում եւ Տավուշում սպասվում է հորդառատ անձրեւ եւ ամպրոպ, առանձին հատվածներում հնարավոր է կարկուտ: Քամին` հարավ-արեւմտյան 2-7մ/վրկ, ամպրոպի ժամանակ սպասվում է քամու ուժգնացում 18-23մ/վրկ: Մայիսի 26-ին օդի ջերմաստիճանը կնվազի 3-5 աստիճանով: «Հայպետհիդրոմետի» տվյալներով, Երեւանում մայիսի 25-ին գիշերվա առաջին կեսին եւ օրվա երկրորդ կեսին, մայիսի 26-ին ժամանակ առ ժամանակ շրջանների զգալի մասում սպասվում է անձրեւ եւ ամպրոպ: Գիշերը մայրաքաղաքում կլինի +14+16, ցերեկը` +29+31 աստիճան:

Օդի ջերմաստիճանը մարզերում.

Շիրակում` գիշերը` +4+9, ցերեկը` +18+23,

Կոտայքում` գիշերը` +4+9, ցերեկը` +18+23, 

16:56 24 Մայ, 2013

Փաստաբանները հունիսի 10-ին եւ 11-ին գործադուլ կանեն: Այս մասին ասաց փաստաբան Հայկ Ալումյանը: Նա նշեց, որ նախաձեռնողները ավելի քան 50 փաստաբան է, այսօր կոչը տարածել են կոլեգաների շրջանում, դեռ չգիտեն` արդյունքում քանի փաստաբան կմիանա իրենց: Բայց եթե իրենց ոչ ոք էլ չմիանա, միեւնույն է, այդ ակցիան անելու են: Նա հիշեցրեց, որ դեռեւս նախորդ տարի նույն ժամանակահատվածում գործադուլ էին արել` մատնանշելով մի շարք խնդիրներ, որոնք այս մի տարվա ընթացքում չեն լուծվել: Եւ փաստաբանները զգուշացրել էին, որ եթե այդ խնդիրները չլուծվեն, ապա նորից գործադուլ են անելու: Հայկ Ալումյանի խոսքով` այժմ ոչինչ չի փոխվել իրենց բարձրացրած խնդիրների մասով, խոսքը վերաբերում է Վճռաբեկ դատարան բողոք ներկայացնելիս գործող վիճակախաղային կանոններին, երբ բողոքը ընդունել-չընդունելու հավանականությունը անկանխատեսելի է, ոչ վարույթը չընդունելն են պատճառաբանում, ոչ էլ բողոքը վերադարձնելը: Հունիսի 10-ին եւ 11-ին փաստաբանները նախատեսում են անցկացնել միջոցառում: